Mi’kmaw Home Energy Efficiency Project - Translated

Apoqntmumkl Wutann Naji-menaqaj Tlo’tmnew Wksitqamuey.

Lukwaqney wjit Menaqaj Tel-kisua’tumkl Mi’kmaq Wikual.

Kis-wasoqitesteket: Barry Bernard, Eskisoqnik.

Home < Residential < Residential Services < Mi’kmaw Home Energy Efficiency Project – Translated

Mu awtinuk ta’n te’sik kis’atasik wjit band alsut wenji’ko’m.

Ula Mi’kmaw Wenji’ko’m Elukwasik Lukwaqney wjit Menaqaj Tel-kisua’tumkl Mi’kmaq Wikual (MHEEP) tewa’tasik wjit kisa’tn wla’sin ta’n wlo’ti etek aqq kisa’toq ta’n ejikla’tasik.

Efficiency Nova Scotia (ENS) toqa’tipni’k wjit province wjit Nova Scotia, ta’n wen’ji’ko’ml aqq wutan alsutkl wjit kisa’tn tla’sin energy efficiency koqowey kisa’tasik, wjit band alsutikl wenjio’ko’ml.

Mawikwayk, ne’kaw apoqntitesnu wutann naji-menaqaj tlo’tmnew Wksitqamuey ewe’wasik waqmoqsmamk ta’n kis-siaw-we’wasik nike’ aqq elmi’knik.

Kisi-mawte’mi’tij tepiaq wasoqnmamkewey wasoqnmnew 316 wenji’kuo’ml wjit newtipunqek.

Kis-jikla’tu’tij 1,000 ton te’sik eCO2 tewipkuta’q, kutey na’tamiaw 540 kutapaqnnal.

Tluenes, kisi-mkunujik wenik kis-mawte’mi’tij 27 GJ te’s newtipunqek, nkutey nike’ 800 litres kaqoqsmumk ka’s.

80% wjit contract lukwaqn kaqikisa’tasik wejiaq wutann-teli mnuweke’tijik mawi lukutinew.

ENS witapuwaq tapusijik delivery agents (DAs) wjit MHEEP: Waqame’k Maqamikew aqq MJM Energy. Das na amuj pa lukwatew ta’n ilamko’toq msit wasoqnmamkewey ankaptasik, ta’n nuta’q piley, elukomij aqq ikana’toq ta’n lukowinu’k telukutijik, aqq keknuwa’tuwaj ta’n ikana’toq housing te’s koqowey teliaq.

Ula na ta’n elukwatu’tij ta’n kisa’tu’tij lukwaqn-kisna wejiaq- ula wutann, menuweketij ta’n ikana’tu’tij eltu’tijtl wenji’kuo’ml.

Wen kisimsintew? Talkis kisa’toq wjit suwa’tn?

Msit newtukuwikit, band-alsutk wenji’ko’m (aqq ma’wt duplex) kisi mesintal. We’nji’ko’ml ta’n ikana’tu’titl elkitk ENS ta’n kisi suwa’toqip ula pemia’q newtipunkek.

Mu eteknuk wi’katikn, ta’n majuinu’k mekenujik ta’n wejiaq wenji’ko’ml nujiketoql. Ta’n tujiw ketu’ suwa’tu’n wjit lukwasin, tlowistuwatis ta’n nujo’tkl wenji’ko’ml.

Koqowey menaqaj ewe’wmumk wasoqnmamkewey etek kisi nasa’tasitew?

Msit wen kisi pipanikesitew wjit ankaptasin energy wejiaq ENS elukwet kisna elukowajik. Ula ankaptasik wjit wen nuta’n piley wjit kisa’tn menaqaj ewe’wmumk wasoqnmamkewey, ta’n kisa’tew te’s newte’ wenji’kuo’m wutan.

Te’s piluwey wiaqtek kutey:

Ta’n ma neweynuk
Insulation
Mu miltaqne’wasinuk apje’jk putuek eptek kisna tekik

Mi’kmawey Menaqaj Ewe’wmumk Wasoqnmamkewey Wenji’kuo’ml (MMEWW/MHEEP) Ta’n tela’sik aknutmaqn

Ta’n tela’sik aknutmaqn 2021

Ta’n majuwinu’n teluwet wjit MHEEP:

Me’ atelk aqq 450 majuinu’k kaqikisa’tu’tij piley msit 13 wutann.
Me’ atelk aqq 85% majuinu’k nemitu’tij piluwa’sik wen wi’k ta’n tujiw kisi nasa’tasik.
98% majuinu’k nuta’q knuwa’tiken MHEEP wjit piluwe’k majuinu’k.

“Ni’n telte’tm kelu’k tela’taqatijik, ta’n kitk elukowijik ni’n aqq niknaq. Pipanikesultijik aqq ankaptu’tij ta’n ni’n nestm lukwaqn wjit ni’n piley putuek eptek kisna tekik weskunm. Msit kisa’tu’titl, Ni’n wel’tasik ula menaqaj kisa’tu’tij ula telukutijik ta’n naqtik wen’ji’juo’m weli waqme’k aqq waqmtek.”

Joe Hart, Wagmatcook

Wutan-ajite’tk Ta’n Elukwatk Lukwaqn

Wl’tesku Al Gould.

Al wikit Eskissoqnik aqq alsutk Al Gould’s Electrical. Ta’n elukowjik elukwatu’tij ta’n nasa’tu’tij heat punp aqq HRV system aqq telukwet weja’tikemk MHEEP poqjia’qk. “ Suwel msit ta’n weskunkik kito’qitek Unama’ki , katu wejiey weja’tikemk Sipne’katik, “ Al teluwet. “kisa’lik welukwey, katu wela’si nike’ wenji’ko’ml wla’sin pemiaq ula teli piluwa’sik koqowey piley.”

Ta’n wejiaq suliewey wjit (MHEEP) Lukwaqney wjit Menaqaj Tel-kisua’tumkl Mi’kmaq Wikual

Ula lukwaqney weja’tu’tij suliewey:

• Kaplno’l Kanata.
• No’pa Sko’siaewey Mtmo’taqney wjit Koqoey wejiaq maqamikew-iktuk aqq il-we’wasik koqoey.
• Tel-nuta’q suliewey wjit tel-lukutimk nujo’tmi’tij No’pa Sko’siaewey Lukwaqney aqq Nuji-iloqaptaqatijik, apankitmi’tij wenik ewe’wmi’tij No’pa Skosia Ta’n ankaptasik pilu’apankitasin.